سیاسیات- صوبہ اصفہان کے شمالی اور مشرقی علاقوں میں صبح چار بجے کے قریب دھماکوں کی آوازیں سنی گئیں۔ ایرانی عہدیداران کا کہنا ہے کہ جوہری تنصیبات بالکل محفوظ ہیں۔
مقامی لوگوں کا کہنا ہے کہ دھماکے کی آواز فضائی دفاعی نظام کی تھی۔
ایک باخبر ذریعے نے بتایا کہ صبح چار بجے کے قریب اصفہان کے علاقے زردنجان کی فضا میں تین چھوٹے ڈرونز دیکھے گئے۔
انہوں نے مزید کہا کہ فضا میں یہ چھوٹے ڈرونز نظر آتے ہی دفاعی سسٹم نے انہیں تباہ کر دیا جس کے نتیجے میں دھماکے کی آواز سنی گئی۔
اس باخبر ذریعہ نے کہا کہ ان چھوٹے ڈرونز کے بارے میں کوئی اطلاع نہیں ہے لیکن ہم ملبے کی تلاش کر رہے ہیں۔
انہوں نے واضح کیا کہ اصفہان میں آٹھویں شکاری بیس پر کوئی واقعہ پیش نہیں آیا۔
