سیاسیات-وزیراعظم شہباز شریف نے ایرانی صدر سید ابراہیم رئیسی سے ٹیلی فون پر رابطہ کیا اور انہیں عید کی مبارک دی۔
وزیراعظم شہبازشریف نے ایران کے صدر ابراہیم رئیسی کو عید کی مبارک دی۔ انہوں نے ایران کی قیادت اور عوام کے لیے نیک تمناﺅں کا اظہار کیا۔
اس موقع پر ایران کے صدر ابراہیم رئیسی نے پاکستان کی قیادت اور عوام کو عید کی مبارک دی۔ دونوں قائدین نے دوطرفہ تعاون کو مزید فروغ دینے کے عزم کا اعادہ کیا۔
دونوں رہنماﺅں نے سرحد پر مارکیٹس کے قیام کو دوطرفہ معاشی وتجارتی تعاون کے فروغ کی جانب اہم قدم قرار دیا۔ ایران کے صدر نے ٹیلی فون کرنے اور عید کی مبارک پر وزیراعظم شہبازشریف کا شکریہ ادا کیا۔
