سیاسیات- ایرانی پاسداران انقلاب گارڈز کے سربراہ حسین سلامی نے بلوائیوں کو خبردار کیا ہےکہ وہ اب سڑکوں پر نہ آئیں، یہ مذموم منصوبہ امریکہ نے بنایا ہے۔
ایرانی پاسداران انقلاب گارڈز کے سربراہ حسین سلامی نے بلوائیوں کو متنبہ کرتے ہوئے کہا ہےکہ آج آخری دن ہے، اب فتنہ پرور عناصر سڑکوں پر نہ آئیں۔
حسین سلامی کا کہنا تھا کہ امریکہ، برطانیہ اور اسرائیل نے ایران کو غیر مستحکم کرنےکے لیے بدامنی کا منصوبہ بنایا ہے، ایرانی عوام اس کا حصہ نہ بنیں، سکیورٹی فورسز ایرانی عوام کے دفاع کے لیے ہیں۔
خیال رہےکہ ایران میں ستمبر میں 22 سالہ مہسا امینی کی زیر حراست موت کے بعد سے مظاہرے جاری ہیں، مہسا امینی 16 ستمبرکو پولیس کی حراست میں مبینہ طور پر دل کے دورے سے انتقال کر گئی تھیں۔
