جولائی 14, 2024

پی سی بی کا بھارتی شائقین کے ناروا سلوک پر آئی سی سی سے شدید احتجاج

سیاسیات-پی سی بی نے بھارتی شائقین کے پاکستانی کھلاڑیوں سے ناروا سلوک پر شدید احتجاج کیا ہے۔

پی سی بی حکام نے انٹرنیشنل کرکٹ کونسل سے رابطہ کرکے 14 اکتوبر کو احمد آباد میں پاک بھارت میچ کے دوران بھارتی تماشائیوں کے رویے پر نوٹس لینے کا مطالبہ کیا ہے۔

واضح رہے کہ احمد آباد میں 14 اکتوبر کو کھیلے گئے پاک بھارت میچ میں بھارتی شائقین نے پاکستانی کھلاڑیوں کے خلاف مذہبی و نا مناسب نعرے لگا کر انہیں اُکسانے کی کوشش کی تھی۔

پی سی بی حکام نے انٹر نیشنل کرکٹ کونسل سے پاکستانی صحافیوں اور شائقین  کو ویزے جاری نہ کرنے پر بھی احتجاج کیا ہے اور ویزوں کا معاملہ جلد حل کرانے پر زور دیا۔

پی سی بی حکام نے آئی سی سی پر واضح کیا کہ پاکستانی صحافیوں اور شائقین کو ویزے جاری نہ کرنا میزبانی کے معاہدے کی کھلم کھلا خلاف ورزی ہے۔

Facebook
Twitter
Telegram
WhatsApp
Email

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

five × 1 =