مئی 20, 2024

گلگت بلتستان کے نومنتخب وزیراعلیٰ نے اپنی کابینہ کا اعلان کردیا

سیاسیات-گلگت بلتستان کے نومنتخب وزیراعلیٰ حاجی گلبر خان نے اپنی کابینہ کا اعلان کردیا ۔

رات گئے کیبنٹ ڈویژن کی جانب سے جاری نوٹیفکیشن کے مطابق 14 رکنی کابینہ 4 سینیئر وزیر،8 وزراء اور 2 مشیروں پر مشتمل ہے۔

تمام 14 ارکان کو رات گئے قلمدان بھی تفویض کردیے گئے۔

نوٹیفکیشن کے مطابق سینیئر وزیر سید امجد زیدی تعمیرات، سینیئر وزیر غلام محمد کو خوراک وسیاحت، سینیئر وزیر انجینیئر محمد اسماعیل کو خزانہ،سینیئر وزیر عبد الحمید کو بلدیات کے قلمدان دیے گئے ہیں۔

اس کے علاوہ فتح اللہ خان ترقیات و منصوبہ بندی،سہیل عباس قانون و صحت اور شمس الحق کو داخلہ کی وزارت دی گئی ہے جبکہ غلام شہزاد آغا تعلیم اور دلشاد بانو کو محکمہ سوشل ویلفیئر وترقی نسواں کا قلمدان سونپ دیا گیا ہے۔

ذرائع کے مطابق مشتاق حسین کو پانی و بجلی اور حاجی رحمت خالق کو ایکسائز اینڈ ٹیکسیشن کا قلمدان دیا گیا جبکہ حاجی شاہ بیگ جنگلات،جنگلی حیات وماحولیات کے قلمدان کے ساتھ وزیراعلیٰ کے مشیر مقرر کیے گئے ہیں۔

Facebook
Twitter
Telegram
WhatsApp
Email

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

7 + 8 =