فروری 9, 2025

سوات: توہین مذہب کے الزام میں ایک شخص کو زندہ جلا دیا گیا

سیاسیات- سوات کے علاقے مدین میں توہینِ مذہب کے الزام میں ایک شخص کو زندہ جلا دیا گیا جبکہ مشتعل افراد نے تھانے کو بھی آگ لگادی، حملے میں 8 پولیس اہلکار زخمی ہو گئے۔

ڈی پی او سوات زاہد اللہ خان کے مطابق قرآن پاک کی مبینہ بے حرمتی کے الزام میں علاقہ مکینوں نے شہری پر تشدد کیا اور اسے برہنہ کر کے سڑکوں پر گھسیٹا۔

انہوں نے بتایا کہ مدین پولیس نے ملزم کو گرفتار کرکے تھانے منتقل کیا تو لوگوں نے تھانے کو بھی آگ لگا دی اور توڑ پھوڑ کی، مشتعل افراد ملزم کو تھانے سے نکال کر لے گئے اور لے جاکر جلا دیا۔

پولیس کے مطابق تشدد اور جلائے جانے سے ملزم جان کی بازی ہار گیا جبکہ مشتعل مظاہرین کے حملے میں 8 پولیس اہلکار بھی زخمی ہوئے۔

سوات میں پیش آئے واقعے کا نوٹس وزیراعلیٰ خیبرپختونخوا علی امین گنڈا پور نے انسپیکٹر جنرل پولیس سے ٹیلیفونک رابطہ کرکے اور واقعے کی رپورٹ طلب کرلی۔

وزیراعلیٰ خیبرپختونخوا نے ناخوشگوار واقعے پر اظہار افسوس کرتے ہوئے شہریوں سے پرامن رہنے کی بھی اپیل کی ہے۔

Facebook
Twitter
Telegram
WhatsApp
Email

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

four + 7 =