بچوں کو جنسی تشدد سے بچانے کیلئے سکولوں میں آگاہی دینے کا فیصلہ

سیاسیات- پنجاب میں بچوں کو جنسی تشدد سے بچانے کیلئے سکولوں میں آگاہی دینے کا فیصلہ کیا گیا ہے۔ محکمہ سکول ایجوکیشن پنجاب نے تمام اضلاع کی تعلیمی اتھارٹیز کو ہدایات جاری کر دی ہیں۔ مراسلے میں کہا گیا ہے کہ بچوں کو مشکوک افراد سے بچنے، اجنبی افراد کے جھانسے کو سمجھنے اور جنسی ہراسگی سے متعلق آگاہی دی جائے۔ مراسلے میں تمام اضلاع کی تعلیمی اتھارٹیز کو 25 جولائی تک رپورٹ جمع کروانے کی ہدایت کی گئی ہے۔