سیاسیات- مسقط میں مسجد و امام بارگاہ علی علیہ السلام پر حملے کی ذمہ داری دہشتگرد گروپ داعش نے قبول کرلی۔
عمان کے دارالحکومت مسقط میں مسجد کے قریب فائرنگ سے 4 پاکستانیوں سمیت 6 افراد شہید ہوئے تھے۔
پولیس کے مطابق واقعہ مسقط کے علاقے وادی کبیر میں پیش آیا جہاں امام علی مسجد کے قریب مسلح ملزم نے فائرنگ کردی جس کے نتیجے میں 6 افراد شہید ہوگئے۔
عمانی پولیس نے 3 حملہ آوروں کو ہلاک کیا تھا۔
پولیس کا بتانا ہے کہ فائرنگ کے وقت مسجد میں تقریباً 700 افراد موجود تھے اور فائرنگ کے نتیجے میں متعدد افراد زخمی بھی ہوئے ہیں۔
حکام کے مطابق مسجد میں پاکستانی کمیونٹی بھی موجود تھی۔
