اپریل 21, 2024

غزہ کے ہسپتال خون سے رنگین ہیں، عالمی ادارہ صحت

سیاسیات-عالمی ادارے کے عہدیدار نے غزہ میں صہیونی مظالم پر تشویش ظاہر کرتے ہوئے کہا کہ غزہ پر صہیونی حملوں کی وجہ سے انسانی سانحہ پیش آسکتا ہے۔

عالمی ادارہ صحت کے اعلی عہدیدار شان کیسی نے کہا ہے کہ غزہ کے تمام ہسپتالوں میں خون کی ندیاں جاری ہیں۔ گذشتہ روز الاقصی ہسپتال کا دورہ کرنے کے بعد اپنی آنکھوں سے دیکھا کہ ہسپتال میں ہر جگہ خون نظر آرہا تھا۔

انہوں نے کہا کہ ماضی قریب میں ہم نے غزہ میں انسانی قتل عام دیکھا ہے۔ صہیونی حکومت کی بربریت کی وجہ سے یہ واقعہ دوبارہ تکرار ہوسکتا ہے۔ غزہ کے تمام ہسپتالوں کی یہی صورتحال ہے۔

شان کیسی نے کہا کہ غزہ میں چھپنے کے لئے کوئی محفوظ پناہ گاہ نہیں ہے۔ دن رات مسلسل حملوں اور جھڑپوں کی وجہ سے طبی سہولیات فراہم کرنے کا عمل تعطل کا شکار ہورہا ہے۔ ہسپتالوں اور طبی مراکز میں زخمی بھرے ہوئے ہیں۔

عالمی ادارہ صحت کے سربراہ ڈاکٹر ایڈہانوم نے کہا تھا کہ غزہ کے ہسپتالوں میں زخمیوں کی تعداد زیادہ ہونے کی وجہ سے بیڈ اور طبی عملے کی کمی کا سامنا ہے۔

Facebook
Twitter
Telegram
WhatsApp
Email

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

three × 2 =