ظہور امام زمان علیہ السلام تمام مسائل کا حل ہے. آیت اللہ باقر مقدسی

سیاسیات- آسمان امامت کے آخریں تاجدار، امید مستضعفان جہاں کی ولادت باسعادت کے پر مسرت دن کی مناسبت سے حضرت آیت اللہ شیخ محمد باقر مقدسی دام ظلہ کے دست مبارک سے چند طلباء کرام لباس مقدس روحانیت سے مزین ہوئے اس موقع پر طلباء کرام سے گفتگو کرتے ہوئے فرمایا کہ سب سے پہلے تمام عالم انسانیت، پاکستان کے مومنین بالخصوص مراجع عظام اور معزز علماء کرام کو اخرین ہادی الہی بقیہ اللہ الاعظم کی ولادت باسعادت کی مناسبت سے ہدیہ تبریک پیش کرتا ہوں اور دعا گو ہوں کہ خدا ہمیں توفیق عطا فرمائے کہ ہم ان کے چاہنے والوں میں سے قرار دیں اور سب کو ان کی تعجل ظہور کے لیے دعا کرنے کی ضرورت ہے اس لیے کہ دنیا اس وقت جس بحران سے گزر رہی ہے اس کا واحد حل اپ کے ظہور میں ہے یہ ہمیں نہیں بھولنا چاہیے کہ ہمارے تمام مسائل کے حل ظہور پر موقوف ہے ہم اور آپ اپ کے سپاہی ہونے کا شرف حاصل ہے لہذا ہم پر زیادہ زمہ داری عائد ہوتی ہے کہ لوگ کو امام سے آشنائی کرائیں اور لوگوں کی توجہ مبذول کرائیں کہ ہمارے اجتماعی، سیاسی، اقتصادی اور سماجی مسائل کے حل چاہتے ہیں تو اپنے اپ کو ظہور لیے آمادہ کریں اور اپ طلاب عزیز سے گزارش ہے کہ اپ حضرات لباس روحانیت سے مزین ہونے کے بعد اپ کے دن، رات، جلوت اور خلوت حتی عبادات میں پہلے سے زیادہ تبدیلی انا چاہیے اور اپ کو اور اپ کے کردار دیکھ کر لوگ اسلام کی طرف مائل ہوں۔