سیاسیات-حماس کے نائب سربراہ صالح العروری کا کہنا ہے کہ جنگ بندی اور تمام فلسطینی قیدیوں کی رہائی تک صیہونی قیدی رہا نہیں کیے جائیں گے۔ عرب میڈیا سے گفتگو کرتے ہوئے حماس کے نائب سربراہ نے کہا کہ جنگ بندی پر اب کوئی بات چیت نہیں ہو رہی، قیدیوں میں اب اسرائیلی فوجی اور مرد شامل ہیں۔ تمام قیدی خواتین و بچوں کو رہا کر دیا ہے۔
حماس کے نائب سربراہ نے مزید کہا کہ اسرائیل کی زمینی، فضائی اور دیگر فوجی کارروائیوں کے لیے تیار ہیں، غزہ میں جنگ ختم ہونے تک اسرائیل سے قیدیوں کا تبادلہ نہیں ہوگا۔ انہوں نے کہا کہ قیدیوں میں شامل مردوں نے اسرائیلی فوج میں خدمات انجام دی ہیں، جنگ بندی اور تمام فلسطینی قیدیوں کی رہائی تک اسرائیلی یرغمالی رہا نہیں کیے جائیں گے۔
