اپریل 7, 2024

اسرائیل کے مقابلے میں مظلوم فلسطینیوں کے ساتھ کھڑے ہیں۔ انصار اللہ

سیاسیات- فلسطین کی مقاومتی تحریک جہاد اسلامی کے صنعاء میں نمائندے احمد برکہ نے آج دوپہر یمن کی مقاومتی تحریک انصار الله کے سربراہ سید عبدالمالک الحوثی سے ملاقات کی۔ اس حوالے سے انصار الله کے ترجمان محمد عبدالسلام نے خبر دیتے ہوئے بتایا کہ یمنی مقاومت کے سربراہ نے اس ملاقات میں اس امر پر زور دیا کہ فلسطین کاز پر ان کا موقف واضح ہے اور ہم ہمیشہ اسرائیل کے مقابلے میں مظلوم فلسطینیوں کے ساتھ کھڑے ہیں۔ اس موقع پر سید عبدالمالک الحوثی نے صیہونی حکومت کے خلاف مسلسل جدوجہد و جنگ احرار نامی حالیہ کارروائی میں فلسطینی مقاومتی گروہوں اور جہاد اسلامی کے کردار کی تعریف کی۔ انہوں نے کہا کہ یمنی عوام اپنے فلسطینی بھائیوں اور وہاں کی مقاومتی تحریکوں کی ہر طرح سے مدد کے لئے ہمہ وقت تیار ہیں۔ دوسری جانب جہاد اسلامی کے نمائندے نے ملت یمن کی جانب سے فلسطین کاز کی حمایت پر شکریہ ادا کیا۔ انہوں نے مسئلہ فلسطین پر سید عبدالمالک الحوثی کے کردار اور دلیرانہ موقف کو سراہا۔

Facebook
Twitter
Telegram
WhatsApp
Email

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

6 − six =