اپریل 8, 2024

ایک اور اسرائیلی جہاز ڈرون حملے کا شکار

سیاسیات- بھارت کے ساحل پر ایک اسرائیلی جہاز کو ڈرون حملے کا نشانہ بنایا گیا ہے۔

برٹش میری ٹائم ٹریڈ آرگنائزیشن نے اطلاع دی ہے کہ بھارت کے ساحل پر اسرائیلی تجارتی جہاز پر ڈرون حملے کے نتیجے میں آگ بھڑک اٹھی۔

ٹائمز آف اسرائیل کے حوالے سے برطانوی میری ٹائم ٹریڈ آرگنائزیشن نے دعویٰ کیا ہے کہ ہندوستان کے ساحل پر اسرائیلی جہاز پر ڈرون حملے کے نتیجے میں جہاز میں آگ لگ گئی۔ جہاز میں کیمیکل مواد لدا ہوا تھا۔

ٹائمز آف اسرائیل کے مطابق برطانوی میری ٹائم ٹریڈ آرگنائزیشن کے علاوہ ’ایمبری‘ کمپنی نے بھی اس حملے کی تصدیق کی ہے۔

صہیونی ذرائع ابلاغ نے دعویٰ کیا ہے کہ مذکورہ ڈرون حملے کا تعلق یمنی مسلح افواج کے حالیہ ہفتوں میں بحیرہ احمر سے تل ابیب کی طرف جانے والے بحری جہازوں پر کیے جانے والے حملوں سے ہے۔

ایمبری کمپنی نے اے ایف پی کو بتایا کہ لائبیریا کے جھنڈے والے جہاز میں لگی آگ سے کوئی جانی نقصان نہیں پہنچا تاہم بتایا جاتا ہے کہ یہ واقعہ گجرات کے جنوب مغرب میں واقع “وروال” کے نام سے مشہور ساحلی علاقے میں پیش آیا۔

Facebook
Twitter
Telegram
WhatsApp
Email

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

fifteen − 9 =