سیاسیات- ایرانی وزیر خارجہ نے اپنے دورہ پاکستان کے دوران وزیراعظم، آرمی چیف، سپیکر قومی اسمبلی اور چیئرمین سینیٹ سے ملاقاتیں کیں۔
وزیراعظم شہباز شریف سے ایران کے وزیر خارجہ حسین امیر عبداللہیان کی ملاقات وزیراعظم ہاؤس میں ہوئی۔
ملاقات میں اقتصادی شعبے میں تعاون کو بڑھانے، پاک ایران تعلقات اور قریبی برادرانہ تعلقات پر بات چیت ہوئی اور وزیراعظم نے پاک ایران تعلقات کو مزید مضبوط بنانے کے عزم کا اعادہ کیا۔
وزیر اعظم شہباز شریف نے علاقائی امن اور خوشحالی کے باہمی مضبوط اہداف کے فروغ اور اہمیت پر زور دیا۔
دونوں رہنماوں نے اسلامو فوبیا اور مسلم مخالف منافرت کے بڑھتے ہوئے واقعات پر گہری تشویش کا اظہار کیا۔
شہباز شریف نے اسلاموفوبیا کے خلاف پاکستان اور ایران سمیت دیگر اسلامی ممالک کے ساتھ مل کر کام کرنے کے پختہ عزم کا اظہار کیا۔
اس موقع پر وزیراعظم شہباز شریف نے کہا کہ سرحدی علاقوں کی اقتصادی ترقی کے لیے کیے گئے اقدامات، مشترکہ ترجیحات کا واضح مظہر ہیں، زیادہ سے زیادہ تجارت اور بہتر علاقائی روابط کے ذریعے دونوں ممالک استفادہ کرسکتے ہیں۔
آرمی چیف جنرل عاصم منیر سے ملاقات
ایران کے وزیر خارجہ ڈاکٹر امیر عبداللہیان نے اسلام آباد میں اپنی سرکاری ملاقاتوں کے آخری مرحلے میں جمعرات کی شب پاکستانی فوج کے سربراہ جنرل عاصم منیر سے ملاقات کی جس میں پاکستانی فوج کے اعلیٰ افسران بھی موجود تھے۔ایران کے وزیر خارجہ ڈاکٹر امیر عبداللہیان نے اسلام آباد میں اپنی سرکاری ملاقاتوں کے آخری مرحلے میں جمعرات کی شب پاکستانی فوج کے سربراہ جنرل عاصم منیر سے ملاقات کی جس میں پاکستانی فوج کے اعلیٰ افسران بھی موجود تھے۔
ڈاکٹر امیر عبداللہیان نے پاکستان کے اعلیٰ حکام کے ساتھ اپنی ملاقاتوں اور اس دورے کے دوران طے پانے والے معاہدوں خاص طور پر سیکورٹی اور سرحدی علاقوں میں ہونے والے معاہدوں کا ذکر کرتے ہوئے پاکستانی فوج کی حمایت سے ان معاہدوں پر جلد از جلد عملدرآمد یقینی طور پر فیصلہ کن ہے۔
ایرانی وزیر خارجہ نے دو ہفتے قبل پاک فوج کے کمانڈر کے اسلامی جمہوریہ ایران کے دورے کی کامیابیوں کی اہمیت کا اظہار کرتے ہوئے، جنرل باقری کے ساتھ سیکورٹی اور سرحدی شعبوں میں کئے گئے معاہدوں کو ایک نیا باب قرار دیا۔ دونوں ممالک کے درمیان تعاون اور اسلامی جمہوریہ ایران کی جانب سے جلد از جلد اس معاہدے پر عملدرآمد کے لیے آمادگی کا اعلان کیا گیا۔
پاکستانی فوج کے سربراہ جنرل عاصم منیر نے بھی اس ملاقات میں اپنے تہران کے دورے اور اسلامی جمہوریہ ایران کی مسلح افواج کے سربراہ جنرل باقری اور دیگر اعلیٰ فوجی کمانڈروں اور وزیر خارجہ سے ملاقاتوں کا ذکر کرتے ہوئےکہا کہ دہشت گردی کے خلاف ہماری جنگ سنجیدہ ہے۔ ہم ایران کی سلامتی کو اپنی سلامتی سمجھتے ہیں اور ہم دہشت گردی کے خلاف جنگ میں اپنے برادر ملک اسلامی جمہوریہ ایران کے ساتھ تعاون کرنے میں بہت سنجیدہ ہیں۔
یہ ملاقات میں ایرانی وزیر خارجہ کے اعزاز میں پاکستانی فوج کے کمانڈر کے عشائیہ کے ساتھ جاری رہی جس میں افغانستان میں ہونے والی پیش رفت سمیت مختلف امور پر تبادلہ خیال کیا گیا۔
