سیاسیات۔ ایران اور امریکہ کے درمیان جوہری مذاکرات کا دوسرا دور آج روم میں ہوگا۔
غیر ملکی خبر رساں ادارے کے مطابق ایرانی آفیشل نے دعویٰ کیا ہے کہ ایران نے اپنی یورینیم افزودگی پر کچھ حدود قبول کرنے کیلئے آمادگی ظاہر کرتے ہوئے امریکی صدر ڈونلڈ ٹرمپ سے ضمانت مانگی ہے کہ وہ معاہدہ سے دستبردار نہیں ہوں گے جبکہ امریکہ نے بھی ایران پر پابندیاں ختم کرنے کا عندیہ دیا ہے
دوسری جانب ماسکو میں روسی ہم منصب سے ملاقات کے دوران ایرانی وزیر خارجہ عباس عراقچی نے کہا کہ ہم روس کے تعاون سے امریکہ کے ساتھ کسی معاہدے پر پہنچ سکتے ہیں، ادھر روسی وزیر خارجہ نے کہا کہ ہم ایران امریکہ مذاکرات میں اپنا کردار ادا کرنے کیلئے تیار ہیں۔
واضح رہے کہ ڈونلڈ ٹرمپ نے ایران کو مذاکرات کے ذریعے جوہری پروگرام ختم کرنے پر زور دیا ہے، اس حوالے سے امریکی صدر ٹرمپ کا کہنا ہے کہ ایران خواب دیکھنا چھوڑ دے، وہ کبھی جوہری ہتھیار حاصل نہیں کر سکتا۔
