غزہ میں کم از کم 1000 ڈاکٹرز اور نرسیں شہید

سیاسیات۔ غزہ کی وزارت صحت نے اعلان کیا کہ 7 اکتوبر 2023 سے اب تک، اسرائیلی فوج کی جانب سے غزہ پر حملوں کے آغاز سے کم از کم 1000 ڈاکٹروں اور نرسوں کو شہید کیا گیا ہے۔ فارس نیوز کے مطابق، غزہ کی وزارت صحت نے ہفتہ کے روز کہا کہ صیہونی فوج نے 7 اکتوبر 2023 سے اب تک کم از کم 1000 ڈاکٹروں اور نرسوں کو شہید کر دیا ہے۔ اس کے علاوہ، وزارت صحت نے مزید بتایا کہ صیہونی فوج نے 7 اکتوبر 2023 سے اب تک 350 سے زائد طبی عملے کے افراد کو گرفتار کیا ہے اور ان میں سے تین افراد اسرائیل کی جیلوں میں شہید ہوئے ہیں۔

دوسری جانب، غزہ کی وزارت صحت نے یہ بھی بتایا کہ صیہونی حملوں کے نتیجے میں فلسطینی شہداء کی تعداد 45 ہزار 227 تک پہنچ گئی ہے۔ صیہونی حملوں میں آج صبح سے غزہ کی مختلف علاقوں میں 31 افراد شہید ہو گئے، جبکہ مجموعی طور پر 107 ہزار 573 افراد زخمی ہوئے ہیں۔ اقوام متحدہ نے حالیہ رپورٹ میں اس بات کی تصدیق کی کہ صیہونی حملوں کے 79 فیصد شہداء خواتین اور بچے ہیں۔