سیاسیات- اسرائیلی میڈیا نے حماس کے سربراہ اسماعیل ہنیہ کی شہادت سے متعلق بڑا دعویٰ کیا ہے۔
اسرائیل میڈیا کا دعویٰ ہے کہ اسرائیلی وقت کے مطابق رات تقریباً 2 بجے تہران کے قلب میں ایک میزائل فائر کیا گیا اور اس مقام کو نشانہ بنایا گیا جہاں ہنیہ اپنے محافظ سمیت موجود تھے۔
اسرائیلی میڈیا کا کہنا ہےکہ اسماعیل ہنیہ ایران کے شمال میں ایک عمارت میں مقیم تھے اور وہ جس عمارت میں مقیم تھے وہ ایرانی پاسداران انقلاب کے گیسٹ ہاؤس کے طور پر استعمال ہوتی تھی۔
دوسری جانب اسرائیلی فوج نے حماس کے سیاسی رہنما کی شہادت پر تبصرہ کرنے سے انکار کردیا ۔
امریکی ٹی وی کی رپورٹ کے مطابق اسرائیلی فوج کا کہنا ہے وہ غیر ملکی میڈیا کی رپورٹس کا جواب نہیں دیتے جب کہ ترجمان وائٹ ہاؤس نے بھی فوری کسی تبصرے سے گریز کیا ہے۔
