سیاسیات- آئی سی سی مینز ٹی ٹوئنٹی ورلڈکپ میں آج آئرلینڈ اور امریکہ کے درمیان گروپ اے کا اہم میچ بارش کی وجہ سے منسوخ کردیا گیا جس کے بعد پاکستان سپر 8 مرحلے کی دوڑ سے باہر ہوگیا اور میزبان امریکہ اگلے مرحلے میں پہنچ گیا۔
لاڈرہل فلوریڈا میں ہونے والا یہ اہم میچ بارش کی وجہ سے تاخیر کا شکار رہا اور ٹاس بھی نہیں ہوسکا۔
امریکہ اور پاکستان کے درمیان میچ مقامی وقت کے مطابق ساڑھے 10 بجے ( پاکستانی وقت کے مطابق ساڑھے 7 بجے) شروع ہونا تھا۔تاہم مسلسل بارش کی وجہ سے میچ پہلے کافی تاخیر کا شکار ہوا اور پھر منسوخ کردیا گیا۔
بارش کی وجہ سے کھیل نہیں ہوا اوردونوں ٹیموں کو ایک ایک پوائنٹ دیا گیا جس کے بعد گروپ اے میں امریکہ 5 پوائنٹس کے ساتھ اگلے مرحلے میں پہنچ گیا ہے جبکہ پاکستان اپنے گروپ کا آئرلینڈ کے خلاف آخری میچ کھیلنے سے پہلے ہی ورلڈکپ سے باہر ہوگیا۔
واضح رہے کہ پاکستان کے ایونٹ میں رہنے کے لیے پہلے تو آئرلینڈ اور امریکہ کا میچ ہونا ضروری تھا اور اگر میچ ہوتا تو اس میں امریکہ کی شکست بھی ضروری تھی۔
تاہم گروپ اے سے بھارت اور امریکہ کے سپر 8 مرحلے میں پہنچنے کے بعد اب 16 جون کو پاکستان اور آئرلینڈ کا میچ بے معنی ہوگیا۔
پاکستان کے ساتھ آئرلینڈ بھی آفیشل طور پر ورلڈکپ سے باہر ہوگیا۔
