سیاسیات-مسلم لیگ (ن) کے سینئر رہنما شاہد خاقان عباسی نے کہا ہےکہ مفتاح اپنی حکمت عملی میں کامیاب ہوئے اور اسحاق ڈار کی حکمت عملی میں کچھ مشکلات ہیں۔
شاہزیب خانزادہ کے ساتھ میں گفتگو کرتے ہوئے شاہد خاقان عباسی نے کہا کہ پنجاب اور خیبر پختونخوا اسمبلیاں توڑنے کا مقصد صرف انتشار تھا، وفاقی حکومت کو مدت پوری کرنی چاہیے ورنہ کل کوئی بھی شخص صوبائی اسمبلی توڑ کر مطالبہ کرے گا کہ وفاق میں الیکشن کرائیں۔
انہوں نے کہا کہ مفتاح اپنی حکمت عملی میں کامیاب ہوئے اور اسحاق ڈار کی حکمت عملی میں کچھ مشکلات ہیں لیکن مشکل فیصلوں کی سیاسی قیمت ہوتی ہے مگر پارٹی ورکر پارٹی کے ساتھ رہتا ہے۔
شاہد خاقان کا کہنا تھا کہ مسلم لیگ (ن) دونوں صوبوں میں بھرپور حصہ لے گی اور امید ہےفتح حاصل کرے گی۔
عدلیہ پر تنقید کے حوالے سے انہوں نے کہا کہ اب لوگ بینچ دیکھ کر بتا دیتے ہیں کہ فیصلہ کیا ہوگا، ایسے میں جماعت نے ضروری سمجھا کہ حقائق عوام کے سامنے لائے جائیں۔
