سیاسیات- پاسپورٹ کے اجراء کے حوالے سے امیگریشن ڈائریکٹوریٹ نے نئی ہدایات جاری کردی ہیں۔ پاسپورٹ کے اجراء کیلئے حکام نے ڈلیوری ٹائم میں کمی کر دی ہے۔ نارمل درخواست والا پاسپورٹ اب 10 روز میں درخواست گزاروں کو مل سکے گا۔ درخواستگزاروں کو ارجنٹ پاسپورٹ 4 روز اور فاسٹ ٹریک درخواست کے حامل پاسپورٹ 2 دنوں میں ملے گا۔ ڈی جی پاسپورٹ کے احکامات پر ملک سمیت دنیا بھر میں پاکستانی قونصلیٹس کو ہدایات جاری کر دی گئی ہیں۔ ترجمان پاسپورٹس امگریشن ڈائریکٹوریٹ کا کہنا ہے کہ عوام کی سہولت کیلئے پاسپورٹ اجرا جلد سے جلد کرنے کی ہدایات کی ہیں۔ قبل ازیں نارمل پاسپورٹ 14 روز، ارجنٹ 7 روز اور فاسٹ ٹریک والا 4 روز میں ملتا تھا۔
