سیاسیات۔ مسلم لیگ قاف کے سربراہ چوہدری شجاعت حسین کا کہنا ہے کہ نواز شریف ابھی پاکستان نہ آئیں، حالات بہتر ہونے کا انتظار کریں۔ چوہدری شجاعت حسین نے اپنے ایک بیان میں کہا ہے کہ میں پہلے بھی نواز شریف کو یہ بات کہہ چکا ہوں کہ اور اب بھی کہتا ہوں کہ وہ ابھی پاکستان نہ آئیں۔ چوہدری شجاعت حسین نے نجی ٹی وی چینل کو دیئے گئے انٹرویو میں کہا کہ عمران خان کو اس وقت امن کی ترغیب دینی چاہیئے۔ انہوں نے کہا کہ وفاق اور پنجاب حکومت کو بھی کہوں گا تحمل سے کام لیں۔ سربراہ قاف لیگ کا کہنا تھا کہ پرویز الہٰی کی ذمہ داری ہے، لیکن سب کو احساس ہونا چاہیئے، بات آگے بڑھانے کے بجائے ختم کرنے کی کوشش کرنی چاہیئے۔
