سیاسیات- پاکستان مسلم لیگ نون کی سینیئر نائب صدر مریم نواز آج شام متحدہ عرب امارات سے لاہور پہنچیں گی، مسلم لیگ نون نے استقبال کی تیاریاں مکمل کرلیں۔ دبئی میں پارٹی رہنماؤں سے ملاقات کے دوران مریم نواز نے کہا کہ آنے والا وقت پاکستان مسلم لیگ ن کا ہے، نواز شریف کی لیڈرشپ میں پاکستان کو بھنور سے نکالیں گے۔ دوسری جانب کیپٹن (ر) صفدر نے کہا کہ مریم نواز اپنے والد کا نظریہ آگے چلانےکیلئے آ رہی ہیں، الیکشن سے پہلے معیشت کو ٹھیک کر لیا جائے گا، مریم نواز کارکنوں کیلئے امید کی کرن ہیں۔
