سیاسیات-شیعہ علماء کونسل پاکستان صوبہ سندھ کے زیر اہتمام درگاہ حضرت لال شہباز قلندر پر منعقدہ عظیم الشان برسی شہدائے سیہون و استحکام پاکستان کانفرنس سے قائد ملت جعفریہ پاکستان علامہ سید ساجد علی نقوی نے ٹیلفونک خطاب کرتے ہوئے فرمایا کہ ملک کے نظام میں بگاڑ موجو ہے ملک کو بہت سے چیلنجز کا سامنا ہے ہمارا مشن اصلاح ہے جس حد تک ممکن ہو یہ وہ ہی اصلاح ہے جس کا اظہار امام حسینؑ نے سفر مدینہ کے وقت کیا تھا کہ میرا مشن امت محمدی کی اصلاح ہے ملک میں مہنگائی ہے بے روزگاری ہے معیشت زبوں حالی کا شکار ہے جب تک اس ملک میں قرآن و سنت کی روشنی میں عادلانہ نظام قائم نہیں ہوتا اور تمام لوگوں کو قومی خزانے سے برابر کے مواقع میسر نہیں آتے اصلاح معاشرہ ممکن نہیں صرف اسی طور پر ملک میں اصلاح ممکن ہے ہم نے اس ملک میں ہر مشکل میں ہر مسئلے میں اصلاح کی کوشش کی ۔ بگاڑ اتنا ہے اس ملک میں کہ قومی اسمبلی میں ایک معروف صحافی کے بقول 20 سے 25 افراد نے ایک متنازعہ بل پاس کردیا یہ چور دروازے سے پاس کیا گیا یہ بل ان لوگوں نے پاس کیا جو اس ملک میں فساد اور برائی کا منبع ہیں اس بل کا احترام صحابہ سے کوئی تعلق نہیں اور یہ ہمارے لئے قابل قبول نہیں ۔ ہم مشترکات اور مقدسات کے احترام پر قائم ہیں اور رہیں گے یہ ہمارا مشن ہے ہم نے اس ملک میں اتحاد و وحدت کی فضاء کو قائم کیا اور ہم اس پر قائم رہیں گے لیکن یہ بل کوئی اور چیز ہے اس حوالے سے ہماری کوششیں جاری ہیں۔قائد ملت جعفریہ پاکستان نے شہداء کے خانوادوں کو تعزیت بھی پیش کی اور کہا کہ اب تک ان شہداء کے خانوادوں کو انصاف نہیں ملا قائد ملت جعفریہ پاکستان نے سیلاب کی تباہ کاری اور اس سلسلے میں حکومتی ناقص انتظامی کارکردگی پر بھی افسوس کا اظہار کیا اور متاثرین کی بحالی کے سلسلے میں ملک میں بھر میں جاری فلڈ ریلیف آپریشن میں مختلف اداروں کی کوششوں کو سراہا قائد ملت جعفریہ پاکستان علامہ سید ساجد علی نقوی نے اجتماع میں شریک علماء مرکزی عہدیداران کارکنان و عوام کی شرکت پر شکریہ ادا کیا اور نیک تمناؤں کا اظہار کیا۔
