سیاسیات- صدر مملکت آصف علی زرداری اپنے شہید ایرانی ہم منصب کی نماز جنازہ میں شرکت کے لئے تہران کا دورہ کریں گے۔
شہید صدر آیت اللہ رئیسی کی نماز جنازہ تہران میں ہوگی جس میں شرکت کے لئے دنیا کے مختلف ممالک کے سربراہان تہران آرہے ہیں۔
پاکستان کی نمائندگی کرتے ہوئے صدر آصف علی زرداری تہران کا دورہ کریں گے اور شہید صدر رئیسی کی تشییع جنازہ میں شرکت کریں گے۔
اسلام آباد سے موصولہ اطلاعات کے مطابق وزیراعظم شہباز شریف نےایرانی سفارت خانہ کا دورہ کیا اور ایرانی سفیر کو تعزیت پیش کی۔
یاد رہے کہ شہید صدر رئیسی اور ان کے قافلے کو مشرقی آذربائیجان میں سفر کے دوران حادثہ پیش آیا تھا۔ جس کی وجہ سے ہیلی کاپٹر میں سوار تمام افراد شہید ہوگئے تھے۔
