سیاسیات- صدر مملکت آصف زرداری اور ایرانی ہم منصب کےدرمیان ٹیلی فونک رابطہ ہوا اور دونوں صدور نے ایک دوسرے کو عید الفطر کی مبارکباد دی۔
اعلامیے کے مطابق صدر مملکت نے دمشق میں ایرانی سفارت خانے پر اسرائیلی حملے پر ایرانی قیادت اور سوگوار خاندانوں سے اظہار تعزیت کیا۔
صدر آصف زرداری نے غزہ میں انسانی بحران اور اسرائیلی افواج کی جانب سے نسل کشی پر تشویش کا اظہار کیا اور فوری جنگ بندی کا مطالبہ کیا۔
صدر مملکت نے پاکستان اور ایران کو درپیش سکیورٹی چیلنجز پر قابو پانے کے لیے معلومات کا تبادلہ بڑھانے کی ضرورت پر زور دیا اور کہا کہ پاکستان دوطرفہ تعاون کو فروغ دینے کے لیے تمام شعبوں میں ایران کے ساتھ کام جاری رکھے گا۔
انہوں نے ایرانی صدر کو دورہ پاکستان کی دعوت بھی دی۔
