سیاسیات- متحدہ علماء فورم جی بی کی سربراہی میں جی بی کے علمائے کرام کے ایک وفد نے سفیر کربلا حضرت امام سجاد علیہ السلام کی ولادت باسعادت کے مبارک دن کی مناسبت سے حضرت آیت اللہ شیخ محمد باقر مقدسی دام ظلہ سے بیت معظم لہ میں ملاقات کی۔
وفد سے گفتگو کرتے ہوئے حجت الاسلام غلام محمد شاکری ( صدر متحدہ علماء فورم جی بی) نے آیت اللہ باقر مقدسی کی علمی اور قلمی کاوشوں کے بارے میں مختصر تعارف پیش کیا 20 جلد تصنیفات و تالیفات اب تک نشر ہوئی ہیں اور عنقریب 5 جلدوں پر مشتمل تفسیر قرآن مجید نشر ہوگی جو اپ کی قلمی توانائی کا منہ بولتا ثبوت ہے۔
آیت اللہ باقر مقدسی نے اپنے خطاب میں تشریف لانے والے علمائے کرام کا خیر مقدم عرض کرتے ہوئے کہا کہ محقیقین کا کہنا ہے کہ گلگت بلتستان کے لوگ ذہانت کے اعتبار سے ذہین ترین لوگوں میں شمار ہوتے ہیں لیکن ہم میں سستی زیادہ ہے جس کی وجہ دوسرے لوگوں کی بہ نسبت یہاں کے لوگ بہت پیچھے ہیں
لذا سب پر ضروری ہے کہ دل لگا کر محمد و آل محمد کے علوم سے اپنے اپ کو آراستہ کریں مجھے بہت افسوس ہوا کہ تمام قدرتی سورسز ہونے کے باوجود ہمارے لوگ ڈیٹ اکسپائیر گندم کے مطالبہ کے لیے دھرنا دینے پر مجبور ہوئے۔
اخر میں حجت الاسلام بشارت حسین زاہدی ( دبیر مجلس نظارت متحدہ علماء فورم جی بی) نے کہا آپ جیسے علمی اثاثہ کا ہونا گلگت بلتستان کے لیے افتخار ہے ساتھ ہی ملاقات کے لیے ٹائم دینے اور ملاقات میں شریک علماء کرام کا شکریہ ادا کیا۔
