سیاسیات- غزہ پر اسرائیلی بمباری سے مزید 59 فلسطینی شہید ہوگئے۔
اسرائیل کی جانب سے غزہ پر وحشیانہ بمباری کا سلسلہ جاری ہے جہاں صیہونی فوج کے تازہ حملوں میں 59 فلسطینی شہید ہوگئے جب کہ 3 روز میں اسرائیلی حملوں سے 200 بچوں سمیت 600 فلسطینی شہید ہوئے۔
ادھر اسرائیلی فوج نے رفح میں بھی زمینی آپریشن اور شمالی علاقوں کی طرف پیش قدمی کی جس کے سبب بےگھر فلسطینی پھر سے علاقہ چھوڑنے پر مجبور ہوگئے۔
دوسری جانب القسام بریگیڈ نے غزہ سے اسرائیلی دارالحکومت تل ابیب پر متعدد راکٹ حملے کیے جس کی وجہ سے اسرائیلی علاقوں میں خطرے کے سائرن بجنے لگے جب کہ اسرائیل نے راکٹ مار گرانے کا دعویٰ بھی کیا ہے۔
