غاصب اسرائیل پر ایران کے کامیاب حملے سے ثابت ہو گیا کہ اسرائیل مکڑی کے جالے سے بھی کمزور ہے۔ علامہ عارف واحدی

سیاسیات- شیعہ علماء کونسل پاکستان کے مرکزی نائب صدر اور سابق مرکزی سیکرٹری جنرل علامہ عارف حسین واحدی نے قائد محترم حضرت علامہ سید ساجد علی نقوی کے گاؤں ملہووالی میں ہونے والی معروف دھشتگردی کے شہداء گرامی کی چوبیسویں برسی کے سلسلے میں برآمد ھونے احتجاجی ماتمی جلوس عزا میں شرکت کی بڑی تعداد میں علماء کرام ماتمی دستے اور عزادار شریک ھوئے۔

جلوس شہر کے مرکزی چوک پر پہنچا تو علامہ عارف واحدی نے شرکاء سے خطاب کرتے ھوئے کہا کہ ھم ملہووالی اور طول تاریخ میں حق کی سربلندی کے لئے اپنی جانیں نچھاور کرنے والے شہداء کو خراج عقیدت پیش کرتے ہیں اور ان سے عہد کرتے ھیں کہ اس حسینی فکر کو جاری رکھنے کے لئے ھر قسم کی قربانی سے دریغ نہیں کریں گے۔

علامہ عارف واحدی نے غزہ کے شہداء کو خراج تحسین پیش کرتے ھوئے کہا کہ تمہارے خون کے ایک ایک قطرے کا بدلہ لینے کے لئے ھر مسلمان تیار ھے انھوں کہا کہ ھم ایران کے جرئت مندانہ حملے کی حمایت کرتے ھیں پوری مسلمان دنیا خاصکر مسلم حکمرانوں کو غیرت ایمانی کا مظاہرہ کرتے ھوئے اسرائیل کے مقابلے میں فلسطین کے ساتھ کھڑا ھونا چاھئے اگر ھم ایران کے ساتھ متحد ھو کر کھڑے ہو جائیں تو اسرائیل مکڑی کے جالے سے بھی زیادہ کمزور ھے وہ خطے سے بھاگنے پر مجبور ہو جائے گا۔

مرکزی نائب صدر نے مزید کہا کہ امت کے اتحاد کا وقت ھے اس وقت جو ایران اور لبنان،یمن،عراق،شام اور دیگر علاقوں سے اس غاصب اور سفاک صیہونی حکومت کے خلاف جدوجہد شروع ھوئی ھے اس کے مقابلہ اسرائیل اور اس کے سرپرستوں کے بس میں نہیم ھے،ان شااللہ بہت جلد یہ بے گناہوں کی قاتل حکومت دنیا کے نقشے سے مٹ جائے گی اور بیت المقدس میں سب مسلمان مل کر اکٹھے نماز ادا کریں گے۔