سیاسیات۔ شمالی غزہ میں فلسطنیی مزاحمت کاروں کے حملے میں دو اسرائیلی فوجی ہلاک ہوگئے۔
اسرائیلی فوج کے مطابق دونوں فوجی آج صبح شمالی غزہ کے علاقے بیت لاحیہ میں فلسطینی مزاحمت کاروں سے فائرنگ کے تبادلے میں ہلاک ہوئے۔
ہلاک ہونے والے اسرائیلی فوجیوں میں ایک 22 سالہ کیپٹن اور ایک 21 سالہ اسٹاف سارجنٹ شامل ہے۔
اسرائیلی فوج کے بیان میں بتایا گیا ہے کہ فائرنگ کے تبادلے میں ایک اسرائیلی فوجی زخمی بھی ہوا۔
اسرائیلی میڈیا کے مطابق 7 اکتوبر 2023 سے جاری جنگ میں اب تک 797 اسرائیلی فوجی ہلاک ہوچکے ہیں۔
