سیاسیات- شام کے شمالی علاقے حلب میں اسرائیل کے فضائی حملے میں 16 افراد شہید ہو گئے۔
عالمی خبررساں اداروں کے مطابق شام کے شمالی علاقے حلب کے قریب ایک مبینہ اسرائیلی حملے کے نتیجے میں 16 افراد شہید ہو گئے۔
سرکاری میڈیا نے حملے اور اس میں ہونے والے انسانی جانوں کے ضیاع کی تصدیق کردی ہے۔
برطانیہ میں قائم ایک ادارے نے کہا کہ حیان نامی ٹاؤن میں کیے گئے اس حملے میں ابتدائی طور پر ہلاکتوں کی تعداد بارہ بتائی گئی تھی جبکہ بتایا گیا ہے کہ اسرائیلی فضائیہ نے ایک فیکٹری کو نشانہ بنایا، جسے ان جنگجوؤں نے مبینہ طور پر اپنا ٹھکانہ بنا رکھا تھا۔
آبزرویٹری کا کہنا ہے کہ شامی خانہ جنگی شروع ہونے کے بعد سے اسرائیلی فورسز اس ہمسایہ ملک میں سیکڑوں فضائی حملے کر چکی ہیں۔
