سیاسیات- المصطفی انٹرنیشنل یونیورسٹی میں نمائندہ طلاب پنجاب پاکستان حجة الاسلام والمسلمین محمد شاهد رضا خان نے اسلامی جمہوریہ ایران کے صدر آیت اللہ ڈاکٹر سید ابراہیم رئیسی کی ہیلی کاپٹر حادثے میں شہادت پر اظہار افسوس کرتے ہوئے ملت غیور ایران بالخصوص رہبر معظم انقلاب حضرت آیت اللہ العظمی امام خامنهای اور امام زمانہ عجل اللہ تعالی فرجہ الشریف کی خدمت میں تعزیت پیش کی ۔
تعزیت نامہ کا متن اس طرح ہے:
انا للہ و انا الیہ راجعون
مِّنَ ٱلۡمُؤۡمِنِینَ رِجَالࣱ صَدَقُوا۟ مَا عَـٰهَدُوا۟ ٱللَّهَ عَلَیۡهِۖ فَمِنۡهُم مَّن قَضَىٰ نَحۡبَهُۥ وَمِنۡهُم مَّن یَنتَظِرُۖ وَمَا بَدَّلُوا۟ تَبۡدِیلࣰا.
آج عالم اسلام کے عظیم ہیرو و راہنما محافظ اسلام و قرآن و امت اسلامیہ کو اپنے بابرکت وجود سے محروم کر گئے دنیائے علم و ادب و سیاست کا عظیم شاہکار اس جہان فانی سے رخصت ہوا۔
ایرانی صدر کا دار بقا کی طرف سفر کر جانا ایک ناقابل فراموش سانحہ ہے کہ جس میں پورا عالم اسلام بالخصوص ملت غیور ایران سوگوار ہے.
ہم صدر آیت اللہ ابراہیم رئیسی مرحوم کے اھل خانہ، ایرانی عوام، رہبر معظم انقلاب حضرت آیت اللہ العظمی امام خامنهای، مراجع عظام تقلید، ملت اسلامیہ، ملت غیور ایران اور خصوصا حضرت ولی عصر عج کی خدمت میں تعزیت و تسلیت عرض کرتے ہیں اور انکی مغفرت اور بلندی درجات کیلئے دعاگو ہیں۔
