سیاسیات- امریکہ نے یمن پر فضائی حملے کیے جس کے نتیجے میں 50 عام شہری شہیدہوگئے ہیں۔
عرب میڈیا کے مطابق امریکہ نے یمن کے دارالحکومت صنعا پر فضائی حملے کیے ہیں جس کے نتیجے میں کم از کم 50 عام شہری شہید اور متعدد زخمی ہوئے ہیں۔
اس موقع پر امریکی صدر ڈونلڈ ٹرمپ نے سوشل میڈیا سائٹ پر کی گئی پوسٹ میں کہا کہ میں نے آج امریکی فوج کو حکم دیا ہے کہ وہ یمن کے حوثیوں کے خلاف فیصلہ کن اور طاقتور فوجی آپریشن شروع کرے۔
ٹرمپ نے کہا کہ تمہارا وقت ختم ہوگیا ہے اور آج سے تمہارے حملے بند ہونے چاہئیں ورنہ تمہارے ساتھ وہ ہوگا جو پہلے نہیں ہوا۔
واضح رہے یمن کے حوثی فلسطین کی حمایت میں یمن کی ساحل کے قریب سے گزر کر اسرائیل جانے والے بحری جہازوں کو نشانہ بناتے رہے ہیں جبکہ غزہ جنگ کے دوران حوثیوں نے اسرائیل پر براہ راست میزائل حملے بھی کیے تھے۔
