سیاسیات- شیعہ علما کونسل کے مرکزی نائب صدر علامہ عارف حسین واحدی نے اپنے تعزیتی بیان میں کہا ہے کہ ناگوار اور افسوسناک خبر ملی ہے کہ امام جمعہ موقت تہران اور مجلس خبرگان رھبری کے محترم رکن،مدرسہ عالی شہید مطہری کے مؤسس اور مدیرِمحترم،خدمت گذارِ مکتبِ اھلبیتِ اطہارع حضرت آیۃ اللہ امامی کاشانی رہ 94 سال کی بابرکت عمر میں رحلت فرما گئے ہیں۔
حضرت امام خمینی رہ کے نظریاتی،مخلص اور جفاکش شاگرد اور رھبر معظم انقلاب حضرت آیۃ اللہ العظمیٰ سید علی خامنہ دامت برکاتہ کے قریبی رفیق خاص جنھوں نے انقلاب اسلامی اور نظام کے لئے تادم مرگ انتہائی پرخلوص محنت کی اس پیرانہ سالی میں بھی مسلسل جدوجہد کررہے تھے اور مصروف عمل تھے انکے افکار،نظریات، پرعزم جدوجہد کو سلام عقیدت پیش کرتے ہیں۔
سَلَامْ عَلَیہِ یَومُ وُلِدَ وَ یَومَ یَمُوتُ وَ یَومَ یُبعَثُ حَیّا
حضرت صاحب العصر والزمان علیہ السلام کے حضور،مراجع عالیقدر خصوصا رہبر معظم انقلاب،حوزات علمیہ،ان کے شاگردان اور چاھنے والوں خاصکر ان کے محترم خانوادہ کو تعزیت پیش کرتے ھیں-اللہ تعالی ان کو ان تمام مساعی جمیلہ کا اجر اور بلندی درجات عطا فرمائے آمین یا رب العالمین-
