مارچ 30, 2025

امریکہ کا جنگی طیارہ بحیرہ روم میں گرکر تباہ، 5 فوجی ہلاک

سیاسیات-امریکہ کا جنگی طیارہ بحیرہ روم میں گرکر تباہ ہوگیا جس کے نتیجے میں 5 فوجی ہلاک ہوگئے۔

امریکی یورپی کمانڈ کی جانب سے جاری اعلان کے مطابق امریکی جنگی طیارہ فوجی تربیتی مشقوں میں ایندھن بھرنے کے دوران گر کر تباہ ہوا۔ طیارے میں سوار پانچوں امریکی فوجی ہلاک ہوگئے۔

امریکی فوج نے طیارے کی قسم یا اس مقام کی تفصیلات جاری نہیں کیں جہاں طیارہ  پرواز کر رہا تھا۔ حماس اور اسرائیل کے درمیان جنگ شروع ہونے کے بعد سے امریکہ نے مشرق وسطیٰ میں طیارہ بردار بحری جہاز تعینات کر رکھا ہے۔

حماس کے اسرائیل پر7 اکتوبرکو حملے کے بعد واشنگٹن نے اسرائیل کو تیزی سے فوجی مدد فراہم کی ہے اور خطے میں اپنی افواج کو مضبوط کیا ہے۔ امریکہ نے طیارہ بردار بحری جہاز اور دیگر جنگی جہاز خطے میں بھیجے ہیں۔

Facebook
Twitter
Telegram
WhatsApp
Email

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

sixteen − 4 =