سیاسیات۔ امریکی وزیر خارجہ مارک روبیو نے اعلان کیا ہے کہ جنوبی سوڈان سے تعلق رکھنے والے تمام پاسپورٹ ہولڈرز کے امریکی ویزے فوری طور پر منسوخ کیے جا رہے ہیں۔ اس فیصلے کا مقصد اُن ممالک پر دباؤ ڈالنا ہے جو امریکہ سے اپنے شہریوں کی واپسی میں تعاون نہیں کرتے۔
مارک روبیو نے واضح کیا کہ اگر کوئی غیر ملکی شہری امریکہ سے بے دخل کیا جائے تو اس کا ملک اُسے واپس لینے کا پابند ہے۔ تاہم، جنوبی سوڈان کی عبوری حکومت نے اس اصول کی خلاف ورزی کی، جس پر یہ سخت قدم اٹھایا گیا ہے۔
انہوں نے کہا کہ اب جنوبی سوڈان کے شہریوں کو امریکہ کے نئے ویزے بھی جاری نہیں کیے جائیں گے۔ امریکی حکومت کا کہنا ہے کہ جنوبی سوڈان اگر امریکہ سے مکمل تعاون کرے گا تو اس پالیسی پر نظرثانی کی جا سکتی ہے۔
مارک روبیو کا کہنا تھا: “جنوبی سوڈان امریکہ سے فائدے اٹھانا بند کرے، اور بین الاقوامی ذمہ داریوں کو سمجھے۔”
