سیاسیات- امریکہ کے وزیرِ دفاع لائیڈ آسٹن نے واضح کردیا کہ امریکہ اسرائیل کے تحفظ میں مدد کے لیے اپنے عزم کو تبدیل نہیں کرے گا۔
اسرائیل کو 8 ارب 70 کروڑ ڈالرز کی فوجی امداد سے متعلق امریکی وزیرِ دفاع نے کہا ہے کہ امریکہ اسرائیل کے تحفظ میں مدد کے لیے اپنے عزم کو تبدیل نہیں کرے گا۔
لائیڈ آسٹن نے کہا ہے کہ اسرائیل کو ضروری چیزیں فراہم کرنے کے لیے پُرعزم ہیں، اسرائیل کی امریکی مدد کا عزم تبدیل نہیں ہوا نہ ہی مستقبل میں تبدیل ہو گا۔
اس سے قبل اسرائیلی وزارتِ دفاع کی جانب سے کہا گیا تھا کہ امریکہ اسرائیل کو 8 ارب 70 کروڑ ڈالرز کی فوجی امداد دے رہا ہے۔
اسرائیلی وزارتِ دفاع کے مطابق پینٹاگون میں اسرائیلی اور امریکی دفاعی حکام کی ملاقات ہوئی۔
اسرائیلی وزارتِ دفاع کے مطابق امریکہ اسرائیل کو 8 ارب 70 کروڑ ڈالرز کی فوجی امداد دے رہا ہے، امریکی امداد خطے میں فوجی برتری کی اسرائیلی فوجی کوششوں کے لیے ہو گی۔
