سیاسیات- متحدہ عرب امارات (یو اے ای) کے وزیر خارجہ شیخ عبداللّٰہ بن زاید نے ابوظبی میں صیہونی خاتون اوّل مشعل ہرزوگ سے ملاقات کی۔
ملاقات میں دونوں اقوام کے درمیان اسٹریٹجک پارٹنرشپ کو مضبوط کرنے کے حوالے سے بات چیت کی گئی۔
دارالحکومت کے ایمریٹس پیلس آڈیٹوریم میں اسرائیل کے آرکیسٹرا نے کنسرٹ منعقد کیا تھا جہاں شیخ عبداللّٰہ اور اسرائیلی خاتون اوّل نے شرکت کی۔
کنسرٹ میں یو اے ای کے وزیر برائے بین الاقوامی تعاون، وزیر ثقافت، وزیر ماحولیات اور دیگر حکومتی شخصیات نے شرکت کی۔
خیال رہے کہ رواں برس ستمبر میں وزیر خارجہ شیخ عبداللّٰہ ایک اعلیٰ سطح کے وفد کے ہمراہ اسرائیل پہنچے تھے جہاں انہوں نے ابراہیم معاہدوں کی دوسری سالگرہ کی تقریبات میں شرکت کی تھی۔
