سیاسیات-ایرانی صدر کے معاون اول محمد مخبر نے تہران میں گفتگو کرتے ہوئے کیا ہے کہ نوے ارب ڈالر سے زائد رقم کے ایک سو دس اقتصادی منصوبوں پرعمل شروع ہو گیا ہے اور اس سلسلے میں سرمایہ کاری کی گئی ہے۔ انکا کہنا تھا کہ گذشتہ چند روز کے دوران ایران کے منجمد شدہ اثاثوں میں سے کئی ارب ڈالر آزاد ہوئے ہیں اور اس رقم کو معیشت کے عمل میں شامل کر لیا گیا ہے۔ تہران کے میلاد ٹاور میں تقریب سے خطاب کرتے ہوئے ایرانی صدر کے معاون اول نے کہا کہ دشمن ایران کی معیشت کو نقصان پہنچانے کے لئے متحد ہو گئے ہیں، تاہم ایران اقتصادی توانائی اور تیار کئے جانے والے منصوبوں پر عمل کر کے ملک کی ترقی جاری رکھے گا اور ایران میں پائی جانے والی توانائی اور گنجائشوں سے بھرپور استفادہ کرینگے۔ انھوں نے کہا کہ معاشی صورت حال کو بہتر بنانے کے لئے جو منصوبے تیار کئے گئے ہیں اور ان پر عمل بھی شروع کر دیا گیا ہے، ان منصوبوں کے نتائج جلد سامنے آنا شروع ہو جائینگے۔
