سیاسیات-ایرانی وزارت خارجہ کے ترجمان نے پاکستان کے شہر پشاور کی ایک مسجد میں دہشت گردی کے حملے کی شدید مذمت کرتے ہوئے پاکستانی عوام اور حکومت کو اپنی تعزیت کا اظہار کیا ہے۔ پشاور میں نمازیوں کی شہادت پر دلی دکھ اور افسوس کا اظہار کرتے ہوئے ترجمان نے واقعہ کی شدید مذمت کی ہے۔ ناصر کنعانی نے دہشتگردی کے واقعے کی مذت کرتے ہوئے حادثے میں زخمی ہونے والوں کی جلد صحت یابی کی دعا کرتے ہوئے متاثرین کے لیے صبر جمیل کی دعا کی ہے۔ تہران میں میڈیا سے گفتگو کرتے ہوئے کنعانی نے کہا کہ اسلامی جمہوریہ ایران ہر قسم کی دہشت گردی اور انتہا پسندی کی مذمت کرتا ہے اور اس قسم کے غیر انسانی اقدامات کے خلاف جنگ کی ضرورت پر زور دیتا ہے۔ انہوں نے دہشت گردی کی ایسی کارروائیوں کی منصوبہ بندی، سہولت کاری اور مالی تعاون کرنے والوں کو روکنے اور اسیے واقعات کی روک تھام کرنے، ان کے خلاف موثر کاروائی کرنے کے لیے علاقائی ممالک کے درمیان مزید تعاون پر زور دیا۔
