سیاسیات- ایران کی سپاہ پاسداران انقلاب کے ڈپٹی کمانڈر کا کہنا ہے کہ تہران میں حماس کے سابق سربراہ اسماعیل ہنیہ کے قتل پر اسرائیلی رجیم تیار رہے اسے ایران کی طرف سے سخت جواب ملے گا۔
ایران کی سپاہ پاسداران انقلاب کے ڈپٹی کمانڈر بریگیڈیئر جنرل علی فدوی نے کہا کہ جعلی اور بچوں کو قتل کرنے والی صیہونی رجیم نے اپنی حماقت جاری رکھتے ہوئے اسلامی جمہوریہ ایران کی سرزمین پر اسماعیل ہنیہ کو شہید کیا جس کا ہم مناسب وقت اور جگہ پر سخت جواب دیں گے۔
انہوں نے کہا کہ ہم سزا کا وقت اور طریقہ طے کریں گے اور شہید ہنیہ کے خون کا بدلہ ضرور لیا جائے گا۔
فدوی نے زور دے کر کہا کہ غاصب صیہونی حکومت نے شہید ہنیہ کو قتل کر کے ایک سنگین جرم کا ارتکاب کیا ہے اور اس بار اسے پہلے سے زیادہ سخت سزا دی جائے گی۔
