سیاسیات- ایرانی حکومتی ترجمان نے شام میں دو ایرانی فوجی مشیروں کی شہادت کا ذکر کرتے ہوئے تاکید کی ہے کہ ان دہشت گردانہ کارروائیوں کا جواب دیا جائے گا۔
ایرانی حکومتی ترجمان علی بہادری جہرمی نے اپنے ٹویٹر اکاؤنٹ پر لکھا ہے کہ اندورنی شدید بحرانوں اور مشکلات سے توجہ ہٹانے کیلئے صہیونی حکومت اور دیگر ریاستی دہشت گردوں کی عادت، سرحدوں سے باہر دہشت گردانہ کارروائیاں کرنا ہے، تاکہ رائے عامہ کو منحرف کرکے اپنے اندرونی مسائل کو چھپا سکے۔
واضح رہے کہ مقداد مہقانی اور میلاد حیدری دو ایرانی فوجی مشیر تھے، جو حالیہ دنوں شام میں شہید کر دیئے گئے ہیں۔
