سیاسیات- ایران میں ہونے والے صدارتی انتخابات کے لئے وزیرثقافت اسماعیلی اور سابق صدر محمود احمدی نژاد نے بھی کاغذات نامزدگی جمع کرا دیئے ہیں۔
ایرانی وزیر ثقافت محمد مہدی اسماعیلی اور سابق صدر احمدی نژاد نے صدارتی انتخابات میں حصہ لینے کے لئے کاغذات نامزدگی جمع کرادئے ہیں۔
ایران میں صدر رئیسی کی شہادت کے بعد قبل از وقت صدارتی انتخابات ہورہے ہیں۔ وزارت داخلہ کے دفتر میں امیدواروں کی بڑی تعداد نے حاضر ہوکر کاغذات نامزدگی جمع کرائے ہیں۔
وزیرثقافت محمد مہدی اسماعیلی اور سابق صدر احمدی نژاد نے چوتھے دن کاغذات نامزدگی جمع کرائے ہیں۔ ہفتے کے روز جن معروف شخصیات نے کاغذات نامزدگی جمع کرائے ان میں مسعود پزشکیان، علی رضا زاکانی، سید احمد رسولی نژاد، حبیب اللہ دہمردہ، سید محمد رضا میر تاج الدینی، فدا حسین مالکی، زہرہ الہیان اور وحید حقانیان قابل ذکر ہیں۔
الیکشن کمیشن کے مطابق ابتدائی تین دنوں میں مجموعی طور پر 80 افراد نے کاغذات جمع کرائے ہیں جن میں سے 72 مرد اور 8 خواتین ہیں۔
ابتدائی تحقیقات کے بعد 17 علاوہ کے باقی کے کاغذات نامکمل ہونے کی وجہ سے مسترد ہوگئے ہیں۔
