سیاسیات۔ ایران کے شہر بندر عباس میں شہپید رجائی پورٹ پر ہونے والے دھماکے میں 25 افراد جاں بحق اور 800 سے زائد افراد زخمی ہوگئے۔ واقعے کے بعد آج صبح آگ پر قابو پا لیا گیا ہے۔
ایرانی میڈیا کے مطابق دھماکہ بندر عباس کی شہید رجائی پورٹ پر واقع ایک انتظامی عمارت میں ہوا جس کی آواز دور تک سنی گئی۔
ایرانی میڈیا کا بتانا ہے کے دھماکے میں زخمی ہونے والے افراد کی تعداد 800 سے زیادہ ہوگئی ہے، دھماکے کے بعد امدادی کارروائیاں شروع کر دی گئیں اور زخمیوں کو اسپتال منتقل کردیا گیا۔
ایران کے صوبے ہرمزگان کے کرائسز مینجمنٹ سیل کے سربراہ کا کہنا ہے کہ دھماکہ بہت شدید تھا تاہم دھماکے کی وجوہات کے بارے میں تاحال حتمی طور پر معلوم نہیں ہوسکا ہے۔
ایرانی حکام کے مطابق دھماکے سے قریبی عمارتوں اور گاڑیوں کو شدید نقصان پہنچا۔
دھماکہ ممکنہ طور پر کیمیکل کے گودام میں ہوا ، ایرانی صدر نے تحقیقات کا حکم دے دیا ہے۔
