سیاسیات- ایران کے صدارتی الیکشن میں مسعود پزشکیان نے کامیابی حاصل کرلی۔
ایرانی میڈیا کے مطابق صدارتی الیکشن کے دوسرے مرحلے (رن آف) میں اصلاح پسند امیدوار مسعود پزشکیان ایک کروڑ 63 لاکھ ووٹ لے نئے صدر منتخب ہوگئے جب کہ ان کے مدمقابل سعید جلیلی ایک کروڑ 35 لاکھ ووٹ لے سکے۔
ایرانی وزارت داخلہ نے مسعود پزشکیان کی کامیابی کا اعلان کرتے ہوئے کہا کہ مسعود پزشکیان نے اکثریتی ووٹ حاصل کیے ہیں۔
اپنی وکٹری اسپیچ میں پزشکیان نے کہا کہ ہم سب اس ملک کے باشندے ہیں اور ہم سب کی طرف دوستی کا ہاتھ بڑھائیں گے۔
دوسری جانب پزشکیان کے مدمقابل امیدوار سعید جلیلی نے شکست کے بعد کہا کہ جس کو لوگوں نے منتخب کیا ہمیں اس کی عزت کرنی چاہیے اور ہمیں اپنی پوری قوت سے ان کی (پزشکیان) کی مدد کرنی چاہیے تاکہ وہ مضبوطی سے آگے بڑھیں۔
مسعود پزشکیان پیشے کے لحاظ سے سرجن اور قانون ساز ہیں اور وہ مغربی ممالک سے اچھے تعلقات کے خواہاں ہیں۔
