واقعہ کربلا ہمیں حق کی خاطر آواز اٹھانے کا پیغام دیتا ہے، گورنر پنجاب

سیاسیات- گورنر پنجاب سردار سلیم حیدر نے کہا ہے کہ یوم عاشور حق اور باطل کے درمیان واضح تفریق کا درس دیتا ہے۔ گورنر پنجاب سلیم حیدر نے یوم عاشور پر اپنے پیغام میں کہا ہے کہ حضرت امام حسینؑ اور ان کے ساتھیوں نے ظلم کیخلاف کلمہ حق بلند کیا، شہدا کربلا نے مظلوم انسانیت کو باطل کے سامنے نہ جھکنے کا درس دیا۔ گورنر پنجاب کا کہنا تھا کہ سانحہ کربلا سبق دیتا ہے آزمائش کی ہر گھڑی میں صبر و استقامت کا مظاہرہ کیا جائے، واقعہ کربلا ہمیں اپنے اندر ایثار و قربانی کا جذبہ پیدا کرنے کا پیغام دیتا ہے، واقعہ کربلا ہمیں حق کی خاطر آواز اٹھانے کا پیغام دیتا ہے۔