مسقط امام بارگاہ میں شہید ہونیوالے 4 پاکستانیوں کی میتیں وطن واپس پہنچ گئیں

سیاسیات- مسقط کی امام بارگاہ میں فائرنگ کے واقعہ میں شہید ہونیوالے 4 پاکستانیوں کی میتوں کو کراچی پہنچا دیا گیا ہے۔ ترجمان پی آئی اے کے مطابق مسقط سےسید قیصر عباس بخاری کی میت پی آئی اے کی پرواز پی کے226 کے ذریعے کراچی پہنچا دی گئی، اب میت پرواز پی کے 302 کے ذریعے لاہور روانہ کی جائے گی۔ترجمان نے بتایا کہ شہید غلام عباس اور حسن عباس کا جسد خاکی پرواز پی کے 292 کے ذریعے اسلام آباد ائیرپورٹ پہنچادیا گیا، جبکہ سلیمان نواز کی میت پرواز پی کے 230 کے ذریعے پہلے ہی لاہور پہنچادی گئی ہے۔ ترجمان کے مطابق حکومتی ہدایت پر مسقط میں فائرنگ سے شہیدپاکستانیوں کے جسد خاکی پاکستان منتقل کیے گئے ہیں۔واضح رہے کہ رواں ہفتے عمان کے دارالحکومت مسقط میں مسجد پر فائرنگ کا واقعہ پیش آیا تھا جس میں4 پاکستانی جاں بحق اور 28 افراد زخمی ہوئے تھے۔